فضيحة شاب في ستار بوكس

هــــلااااااا..
شحــــااااالكم..
اليــوم يبتلـكم قصـــة روووعــة و اتضحك.. فضيحة شاب في ستار بوكس 599198

فضيحه مواطن ف ستار بوكس خخخخخخخخخخخخخخخخخخخ

يوم الخميس كان عبد الرحمن وشلته (حوالي 10 شباب ) يالسين في "ستار بوكس " يذكرون ايام المراهقة في الثانوية والتقنية , الي يشوفهم من بعيد بيقول" شو بلاهم ها الميانين" من كثر الضحك الي كانو يضحكونه

كان عبد الرحمن وشلته يالسن بطاولة ع اليمين وفي كم من طاولة فاضية حذالهم وبعدين في طاولة يالسات عليها بنتين واحدة عاطتنهم الظهر ووحدة مجابلتنهم .... وهاي البنتين ما يخصهم بالدنيا يالسات يضحكن و يسولفن روحهم

جان ايي واحد كااااااااشخ ... ماسك موبايل ولا احلى .... والغترة الله يخليكم ما شي ارتب منها .... ويمشي ذيج المشية مال كبارية
باختصار الريال خطيييييييييييييييييييييييييييير بكل شي

الحبيب مر ع عبد الرحمن جان يطالعهم بنظرة خايسة نظرة خبيثة ومتكبرة , كانه يقول " شو ها ... فشلتونا صدق غجر ... عافانا الله منكم " وكمل طريجه فشاف البنتين فيلس بطاولة بين طاولة الشلة و بين طاولة البنات ... يبى يغازل خخخ

بعد ما يلس الخقاق كانت الشلة معصبة فقامت الشلة تبا تتظرب وياه اكيد بعصبون اهان شرفهم وكرامتهم بذيج النظرة ... جان يهديهم عبد ارحمن وقالهم انا عندي طريقة احلى عشان ننتقم منه
قالوله شو هي ... فطلع موبايله ودخل البلوتوث باسم " بنت " خخخخخخخخ .... وتم يدور ع ها الخقاق لين ما حصلاه

" كلي دلع "= هو اسم عبدالرحم فالبلوتوث

عبد الرحمن " كلي دلع " حق الخقاق : انت وسيم

الخقاق انشق ويه ما صدق جان يضحك ويعدل غترته ... من جهة ثانية الشلة منفجرة ضحك

الخقاق حق " كلي دلع " : شفتي هايل المهابيل يتحرون عمرهم كشخة
جان تعصب الشلة وصلو حدهم لكن عبد الرحمن قالهم " ما اكون عبد الرحمن جان ما فشلته جدام كل الموجودين "

عبد الرحمن " كلي دلع " حق الخقاق : تعال ايلس عدنا

الخقاق بطر عيونه مب مصدق ومتوهق بنفس الوقت

الخقاق حق " كلي دلع " :اخاف ها الشباب يغارون

عبد الرحمن " كلي دلع " حق الخقاق :لا تعال انا اباهم يغارون

الخقاق حق " كلي دلع " :يعني ايي الحين

عبد الرحمن " كلي دلع " حق الخقاق : هي تعال الله يخليك

جان يقوم الخقاق ويدخل كرسيه مكانه وطالع الشله بنظرة تقول " منو قدي انا بيلس ويا البنات " وعدل غترته مره ثانية ... عبد الرحمن وشلته كل واحد حالته حاله ماسك نفسه من الضحك

والخقاق وحليله ما يدري مشى ومشى لين ما وصل حذال طاولة البنات يضحكلهم .... وهن مستغربات شو يبى ها ... فقام وسحب الكرسي ويلس وياهم

جان يقومن البنات ويصرخن عليه وصوتهن هز المكان " انت ما تستحي ... قليل الادب .... انت مب ريال و وو وو الخ

والريال من كثر الخوف قام والكرسي طاح وعينه مبطلة من الخوف مب مصدق شو الي استوى

والشلة ماتو من الضحك عليه طاحو ع الارض من كثر الضحك خخخخخخخ هاهاهاهاهاهاها هع هع هع نياهاهاهاهاهاهاها

والناس الي ف المركز مب فاهمين شو السالفة يشوفون جهة اليمين من ستار بوكي شباب ميتيين من الضحك وجهة اليسار بنتين يصرخن ع الفقير
طبعا الخقاق المتوهق ما عرف شو يسوي غير انه يذلف من المكان

يستــــاهل الخقـــاق خخخخ..
منقــــووول..

زائر

مشكورة

زائر

يشرفني تكون اول وحدة ترد عليكي

تسلمين خيتوو ع المرور ..^^

مشكوره مره حلوي